უკრაინაში ათასობით ადამიანი გამოვიდა რადაში დღეს პირველი მოსმენით მიღებული კანონპროექტის წინააღმდეგ, რომლის თანახმადაც რუსულ ენას, უკრაინის ზოგიერთ რეგიონში - სადაც რუსულ ენაზე მოსაუბრე მოსახლეობა 10% შეადგენს, რეგიონალური ენის სტატუსი ენიჭება.

კანონის ამოქმედების შემდეგ გამოდის, რომ რუსული ენა ოფიციალურ სტატუსს ქვეყნის 13 რეგიონში შეიძნეს. რამდენიმე კვირის წინ კანონპროექტის განხილვას რადაში რეგიონების პარტიასა და ოპოზიციას შორის ხელჩართული ჩხუბიც მოჰყვა.

დღეს, აღნიშნულ კანონპროექტს პირველ მოსმენაზე მხარი 450 დეპუტატიდან 234-მა დაუჭირა. განხილვა ოპოზიციის პროტესტის ფონზე მიმდინარეობდა. რადას შენობასთან აქცია მიმდინარეობდა, რომელზეც დემონსტრანტებსა და პოლიციას შორის შეტაკებაც მოხდა.

ოპოზიცია და მათი მხარდამჭერები გრძელვადიანი აქციისთვის და კარვების ბანაკის გასაშლელად ემზადებიან.

ასევე ვრცელდება ინფორმაცია, რომ პარლამენტის შენობასთან თავის მომხრეებს იწვევს მმართველი რეგიონების პარტიაც, თუმცაღა მათი ნაწილი, ოპოზიციის პროტესტის მოლოდინში,  იქ უკვე დილიდან იყო მობილიზებული.

უკრაინის ქუჩებში სპეცრაზმია გამოყვანილი.

Internet.ge