GE / EN
საინფორმაციო პორტალი
პოლიტიკა
სიახლე|პოლიტიკა|საზოგადოება|ხელოვნება|ეკონომიკა|კრიმინალი|სამხედრო|სპორტი|მეცნიერება|ინტერვიუ
დღეს, მერვე მოწვევის პარლამენტის პირველი სხდომა გაიმართება
10:45 21.10.2012
დღის სიახლეები

მერვე მოწვევის პარლამენტი საქმიანობას დღეს 13:00 საათზე, ოფიციალურად შეუდგება. ქუთაისის საკანონმდებლო ორგანოს ახალ შენობაში, ახლადარჩეული პარლამენტის პირველ სხდომას, პრეზიდენტი მიხეილ სააკაშვილი გახსნის და სპიკერის არჩევამდე, სხდომას უხუცესი დეპუტატი, 75 წლის ვანო კიღურაძე წარუძღვება.

სხდომას დაესწრებიან - ცენტრალური კომისიის თავმჯდომარე. ასევე მოწვეულ სტუმრებს შორის არიან სრულიად საქართველოს კათოლიკოს-პატრიარქი, უწმინდესი და უნეტარესი ილია მეორე, დიპლომატიური კორპუსისა და მედიის წარმომადგენლები. ამასთან, ახალი მოწვევის პარლამენტის პირველ სხდომას ბიძინა ივანიშვილი საპატიო სტუმრის სტატუსით დაესწრება. ასევე, ამავე სტატუსით იქნებიან სხდომაზე წარმოდგენილები მომავალი მინისტრობის კანდიდატები. კერძოდ, ისინი ადგილს დარბაზის მარცხენა კუთხეში დაიკავებენ, ხოლო მოქმედი მთავრობის წევრები მარჯვენა კუთხეში.

პირველ სხდომაზე, საკითხების განხილავა შემდეგი თანამიმდევრობით მოხდება: აირჩევა – პარლამენტის თავმჯდომარე და მისი მოადგილეები, შეიქმნება კომიტეტები და ამ რეგლამენტით დადგენილი წესით, მათი თავმჯდომარეები აირჩევა, ასევე რეგლამენტით გათვალისწინებულ შემთხვევებში, საქართველოს მთავრობის შემადგენლობასთან დაკავშირებული საკითხები განიხილება.

რაც შეეხება პარლამენტის მუშაობის დაწყებას, საკანონმდებლო ორგანო მუშაობას შეუდგება, თუ ცეესკო არჩეულად პარლამენტის სრული შემადგენლობის არანაკლებ ორ მესამედს გამოაცხადებს. პირველი სხდომა კი, შეიძლება გაიხსნას, თუ მას ახალარჩეული პარლამენტის სრული შემადგენლობის უმრავლესობა ესწრება (რეგისტრაცია გაიარა).

აღსანიშნავია, რომ პარლამენტის სრული შემადგენლობის არანაკლებ ორი მესამედის უფლებამოსილების ცნობის შემდეგ პარლამენტის წევრები ქვეყნისადმი ერთგულების ფიცს დებენ. ფიცის ტექსტს ცესკოს თავმჯდომარე კითხულობს. შემდეგ, პარლამენტის წევრები წარმოთქვამენ – „ვფიცავ“ და ამ ტექსტს ხელს მოაწერენ, რის შემდეგაც საქართველოს სახელმწიფო ჰიმნი შესრულდება.

რეგლამენტის მიხედვით, ახალარჩეული პარლამენტის პირველი შეკრება შემდგარად ჩაითვლება, თუ იმ პარლამენტის წევრთა რაოდენობა, რომელთა უფლებამოსილებაც ცნო პარლამენტმა, იქნება პარლამენტის სრული შემადგენლობის არანაკლებ ორი მესამედისა. ამ დროიდან უფლებამოსილება კი, წინა მოწვევის პარლამენტს უწყდება.

პირველ სხდომაზე კენჭისყრა ელექტრონული სისტემით იმართება. საჭიროების შემთხვევაში, კენჭისყრა შეიძლება ბიულეტენებით გაიმართოს.

შეგახსენებთ, რომ 2012 წლის საპარლამენტო არჩევნები 1-ელ ოქტომბერს გაიმართა, სადაც 2 150 197 მოქალაქემ მიიღო მონაწილეობა. ამომრჩეველთა 54.97 პროცენტმა მხარი „ქართულ ოცნებას“ დაუჭირა, ხოლო 40.34 პროცენტმა „ნაციონალურ მოძრაობას“. შესაბამისად, ქვეყნის უმაღლესი საკანონმდებლო ორგანო 150 დეპუტატით იქნება წარმოდგენილი, სადაც ოპოზიციაში გადასულ „ნაციონალურ მოძრაობას“ 65 დეპუტატი ეყოლება, ხოლო ხელისუფლებაში მყოფ „ოცნებას“ - 85.

 

Internet.ge

აღდგომის დღეებში, სასწრაფო სამედიცინო დახმარების ცენტრში 6290 გამოძახება დაფიქსირდა
ცოლის მკვლელობისთვის ბრალდებულს 11 წელი მიესაჯა
სამეგრელოში ხე-ტყის უკანონო ტრანსპორტირების ფაქტი გამოვლინდა
"თურქეთში ჩატარებული რეფერენდუმის შედეგები დიქტატორად არ გადამაქცევს"
სპორტის სასახლეში „ნაციონალური მოძრაობის“ ყრილობა მიმდინარეობს
რატომ ითხოვს ჩვენების გასაჯაროვებას, მამა გიორგის ადვოკატი?
პარიზში, ლეონარდო და ვინჩის დაკარგული ნახატი აღმოაჩინეს
ქუმსიშვილი: ნულიდან მიღწეულ ხელშეკრულებას შეხედეთ და არა იქიდან, საიდანაც ვიყავით
კრიმინალური ქრონიკა
სამეთაურო-საშტაბო სკოლის კურსდამთავრებულთა დაჯილდოება გაიმართა
დუდუ დადიანის ხსოვნის ტურნირი „არმიამ“ მოიგო
შოკისმომგვრელი დასკვნა - ბავშვის ტვინის ზომა მშობლების სიყვარულზეა დამოკიდებული
დღის თემა
რაში დაადანაშაულეს მეუფე პეტრე სინოდის სხდომაზე
"მე ვფიქრობ რომ ეს სხდომა იყო მიკერძოვებული, რადგან ჩემი აქტიურობის გარდა, იქ ბევრად მნიშვნელოვანი საკითხები იყო განსახილველი“,- განაცხადა მეუფე პერტემ.
გამოკითხვა
რომელ წყაროს იყენებთ ინფორმაციის მისაღებად?
  
პოპულარული სიახლეები
წაიკითხა გაიზიარა კითხულობენ
სისხლის ანალიზი ფილტვების კიბოს ადრეულ სტადიაზე ავლენს1
"სენდის" მსხვერპლთა რაოდენობამ 42-ს მიაღწია2
ჰექტორ ტიმერმანი: არგენტინა კონფლიქტურ ტერიტორიებთან დაკავშირებით გაეროს რეზოლუციას იზიარებს3
ირაკლი ალასანია სოფელ დიდინეძში იმყოფებოდა4
NDI-ის კვლევების მიხედვით, ნატო-ში საქართველოს გაწევრიანებას „ნაციონალური მოძრაობა“ შეძლებს5
ახალი ამბებიპოლიტიკასაზოგადოებახელოვნებაეკონომიკაკრიმინალისამხედროსპორტიმეცნიერებაინტერვიურეგიონიფოტორეპორტაჟი
 
თბილისი 0159, ახმეტელის ქ. №10ა. ტელ.: (995 32) 2 200 111, 577 208 612, 577 208 452. ელ-ფოსტა: info@internet.ge
 
Your Like on Facebook X