მიხეილ ცაგარელი: გეომაგნიტური დღეა. დღეს ახალმთვარეობაა. სასიკეთო ენერგიების ნაკლებობა, განსაკუთრებით დღის მეორე ნახევარში, მეტად განაპირობებს კონფლიქტებს, დეპრესიას, აგრესიას, ტრავმებს, ავარიებს, შეცდომებს, ჯანმრთელობის და გუნება-განწყობის გაუარესებას, რაც ითხოვს მეტ სიფრთხილესა და წინდახედულებას.

საღამომდე შეიძლება საქმეების დასრულება, ვალების დაბრუნება.

აკონტროლეთ ემოციები. განეწყეთ ოპტიმისტურად. მოერიდეთ წამლების მიღებას და ცხიმიან საკვებს.

მინერალებიდან სასიკეთოა: თოფაზი, ჟადეიტი, ქარვა, საფირონი, იასპი.

ფერებიდან დადებითია: იასამნისფერი, ოქროსფერი, ვერცხლისფერი, ნარინჯისფერი.

სიზმრები შემდგომ ახდება. ნეგატიური დღეა სიყვარულისა და ქორწინებისათვის, უძრავი ქონების ყიდვა-გაყიდვისთვის, თანამშრომლების სამსახურში მისაღებად. სასიკეთოა დღე სამეცნიერო საქმიანობისთვის, სწავლისა და ინტელექტუალური განვითარებისთვის, რეკლამისა და ინტერვიუებისთვის, აუქციონების მოსაწყობად, მშენებლობისთვის.

მაღალია დაცინვის, ჭორების, მოტყუების ალბათობა. ჯანმრთელობის მხრივ სუსტდება ფილტვები, ბრონქები, ხელები, მხრები და კუჭი.

დღე დადებითია ტყუპებისა და მშვილდოსნისთვის, უარყოფითია –ქალწულისა და თევზებისათვის.

internet.ge