რუსეთ-საქართველოს საზღვართან მიმდინარე სპეცოპერაცია მძევალთა გათავისუფლებას უკავშირდება. აღნიშნულ ინფორმაციას ტელეკომპანია „რუსთავი 2“  ავრცელებს.

მათი ინფორმაციით, საქართველო-რუსეთის საზღვრის მონაკვეთზე დაღესტნიდან გადმოვიდა დივერსანტთა ჯგუფი, რომლებმაც დაკავებული 5 პიროვნების გარდა მძევლად კიდევ ორი ჯგუფი აიყვანეს.

„რუსთავის 2“-ის ინფორმაციით, ორი ჯგუფის გათავისუფლება მოხერხდა, ამჟამად კი, დარჩენილი ერთი ჯგუფის გათავისუფლება მიმდინარეობს.

სავარაუდოდ, არიან დაჭრილები და დაშავებულებიც.

შეგახსენებთ, რომ საქართველო-რუსეთის საზღვართან, დაღესტნის მონაკვეთთან, აღმოჩენილია შეიარაღებული ჯგუფი. შინაგან საქმეთა სამინისტროს მიერ ხორციელდება აღნიშნული ჯგუფის დევნის ოპერაცია. შსს ქვედანაყოფებს ბლოკირებული აქვთ ხეობა.

საქართველოს მოქალაქეთა უსაფრთხოების უზრუნველსაყოფად ყველა ზომები მიღებულია.

 internet.ge