ოპოზიციური დაღესტნური ვებ-გვერდი "ვდაგესტან.კომ" იუწყება, რომ საქართველოში ბრძოლები კავკასიის იმარატის მოჯაჰედებთან მიმდინარეობს.

ამას თავად დაღესტნის ვილაიეთის მოჯაჰედთა ხელმძღვანელები ადასტურებენ.

მათი ინფორმაციით, საქართველოს ტერიტორიაზე გადასულ მუჯაჰედებს არანაირი ოპერაციის ჩატარება მიზნად არ ჰქონიათ:

‘’ეს არ იყო გეგმებში და რომ მოესურვებინათ, ადვილად ჩაატარებდნენ კიდეც" - ნათქვამია წერილში, რომელშიც ასევე მუქარაა გამოთქმული.

კერძოდ, პუბლიკაციაში აღნიშნულია, რომ სპეცოპერაციის შედეგად 11 კავკასიელია მოკლული, რის გამოც მოჯაჰედები საქართველოს ხელისუფლებას ბრძოლების შეწყვეტისკენ მოუწოდებენ, წინააღმდეგ შემთხვევაში კი აცხადებენ, რომ მტერს შეიძენენ:

‘’მსგავსი მოქმედებებით თქვენ შეიძენთ კიდევ ერთ მტერს, რომელიც სასტიკი შურისძიებით იმოქმედებს" - აღნიშნულია წერილში.

Internet.ge