საქართველოს პრეზიდენტმა მიხეილ სააკაშვილმა დღეს, ღუდუშაურის კლინიკაში, სპეცოპერაციის დროს დაჭრილი სპეცრაზმელი ზურაბ ზურაბიშვილი მოინახულა.

ქვეყნის პირველი პირი, დაზარალებულის მდგომარეობით დაინტერესდა და განაცხადა, რომ მისი ბედით ძალიან შეწუხებული იყო.

პრეზიდენტი კლინიკაში, ჯანდაცვის მინისტრთან, ზურაბ ჭიაბერაშვილთან ერთად იმყოფებოდა.

„ასეთ ბიჭებზე დგას საქართველო, ზურა მალე წამოდგება და ის კარგად იქნება. საშინელი გზები იყო და როცა მითხრეს ეს ამბავი დილის 6-ის ნახევრამდე ტელეფონზე ვრეკავდი და ვნერვიულობდი რა მოუვიდოდათ და რა ბედი ეწეოდათ მათ. დაჭრილების გამოყვანა ძალიან რთული ოპერაციაა, რადგან ცუდი გზებია“,- განაცხადა სააკაშვილმა. 

მისი თქმით, ბოლო დღეები ნამდვილი გმირობის მაგალითია. ქვეყნის პირველი პირის განცხადებით, ისინი არიან ხალხი, რომლებიც მძევლებს ჩაენაცვლენ.

„ვისაც ეს ყველაფერი დადგმული ჰგონია, მათ ღირსება არ გააჩნიათ და ვერ წარმოუდგენიათ, რომ ადამიანს ასე შეიძლება უყვარდეს სამშობლო. საბედნიეროდ საქართველოში უმეტესობა ასეთია, ამიტომ ქვეყანა გადარჩება და ის აუცილებლად გაიმარჯვებს“,- განაცხადა სააკაშვილმა.

internet.ge