საქართველოს პრეზიდენტმა მიხეილ სააკაშვილმა ქართულ ავიაკომპანიებს
ბილეთებზე დაბალი ფასის დაწესებისკენ მოუწოდა.
როგორც სააკაშვილმა თბილისის აეროპორტში „ტავ-ჯორჯიას“ მიერ დაწყებული
ახალი ასაფრენი ბილიკის პრეზენტაციაზე აღნიშნა, საქართველოდან სხვადასხვა
ქვეყნების მიმართულებით ფრენა მგზავრს ძვირი უჯდება.
„რატომ უნდა ღირდეს კიევში ჩაფრენა 600 $? ფასების მხრივ სიტუაცია
აუცილებლად უნდა დალაგდეს. იმიტომ, რომ ტურისტებმა საქართველოში შემოსვლა ბევრად
უფრო იაფად შეძლონ. მით უფრო, რომ ვერა
ქობალიას დამაიმედებელი პროგნოზით, საქართველოში მომავალ წელიწადს 4 მილიონ 600 ათასი
ტურისტი ჩამოვა. მეტი ტურისტი ეს ნიშნავს რომ ქართულ ოჯახში შევა სარგებელი და
ფული. ადამიანების დასქმებას შეუწყობს
ხელს ეს ყველაფერი“,- განაცხადა მიხეილ სააკაშვილმა.
პრეზიდენტი უვიზო რეჟიმსაც შეეხო და აღნიშნა, რომ მომავალ წელს
საქართველოს ევროპასთან უვიზი რეჟიმი ექნება.
„დღეს, ევროპის მიმართულებით მოსახლეობის 5-7 პროცენტი გადაადგილდება.
შევარდნაძის დროს ეს მაჩვენებელი უფრო ცოტა იყო, იმდენად ცოტა, რომ ისინი ერთმანეთს სახეზე
ცნობდნენ. ეს მოისპო, მაგრამ ჩვეულებრივი მოქალაქე მაინც ვერ ახხერხებს
საზღვარგარეთ გაფრენას. ჩვენი მთავარი საზრუნავია, ხალხმა ევროპის ნებისმიერ ქვეყანაში
იაფი ტარიფიებით გადაადგილება შეძლოს“,- აღნიშნა სააკაშვილმა.
Internet.ge
