ავტოსაგზაო შემთხვევა მოხდა გომბორის უღელტეხილზე. თვითმხილველები ამბობენ, რომ თბილისისკენ მომავალი „ჰონდას“ მარკის ავტომობილი გარე განათების ბოძს შეეჯახა და სავალი ნაწილიდან გადავიდა.

შემთხვევის დროს მანქანაში ორი უცხოეთის მოქალაქე და ერთი ქართველი მამაკაცი ისხდნენ.

დაზარალებულებს პირველადი სამედიცინო  დახმარება ჯერ საგარეჯოს საავადმყოფოში აღმოუჩინეს, მოგვიანებით კი ისინი თბილისში, ინგოროყვას სახელობის კლინიკაში გადმოიყვანეს.

დაზარალებულების მდგომარება ამ დროისთვის სტაბილურია და მათ სიცოცხლეს საფრთხე არ ემუქრება.

Internet.ge