რუსული მხარე ვერ აუდის ხალხის ნაკადს, რომლებსაც საქართველოს ტერიტორიაზე შესვლა საკონტროლო-გამშვები პუნქტის „ზემო ლარსის“ გავლით სურთ. ამის გამო „ზემო ლარსი“ მუშაობის 24-საათიან რეჟიმზე გადადის.

როგორც საკონტროლო-გამშვები პუნქტის ხელმძღვანელის მოადგილე ანდრეი აჟგიბისოვი აცხადებს, ყველაფერი კეთდება, რათა დაჩქარდეს გამავლობა.

„საბაჟო სამსახურიც ხელს გვიწყობს ამ პროცესში. ვხსნით დამატებით ხაზებს და ვიძახებთ დამატებით ჯგუფებს“ - განაცხადა მან „გრუზია ონლაინთან“ საუბარში.

აჟგიბისოვის თქმით პუნქტი კაპიტალური რეკონსტრუქციის შემდეგ, ცოტა ხნის წინ გაიხსნა და ყველაზე თანამედროვე ტექნიკითაა აღჭურვილი.

internet.ge