რამდენიმე წუთის წინ ინციდენტი მოხდა კოალიცია "ქართული ოცნების" აქციაზე. ეკლესიიდან მოკვეთილი ყოფილი სასულიერო პირი იმ ადგილას შეიჭრა, სადაც ჟურნალისტები და ოპერატორები იყვნენ და სადაც ივანიშვილის დაცვის წევრები ჟურნალისტებსაც კი უშლიდნენ გადაადგილებას.

ყოფილმა სასულიერო პირმა - მამა თომამ, რომელიც, როგორც აქციის მონაწილეებმა განაცხადეს, ეკლესიიდან მოკვეთილია და ივანიშვილის აქციებზე ხშირად დადის, ჟურნალისტებს სიტყვიერი შეურაცხყოფა მიაყენა. 

როგორც "ინტერნეტ.ჯი'-ს' კორესპონდენტი გავცნობებს, ჟურნალისტების შეურაცხყოფის შემდეგ იგი ივანიშვილის დაცვის წევრების შეურაცხყოფაზე გადავიდა.

შეგახსენებთ, რომ ინციდენტი იმ ადგილას მოხდა, რომელსაც ივანიშვილის დაცვის წევრების კორდონი იცავდა და ჟურნალისტებსაც კი უქმნიდა გადაადგილებაში პრობლემებს.

internet.ge