ახალი სახელმწიფო დაზღვევის მიმდინარეობა დღეს ჯანდაცვის მინისტრმა ზურაბ ჭიაბერაშვილმა შეაჯამა. მინისტრი კლინიკა „ტრავმატოლოგს“ ესტუმრა და ის პაციენტები მოინახულა, რომლებმაც სადაზღვეო პროგრამის ფარგლებში ოპერაციები გაიკეთეს. 

ზურაბ ჭიაბერაშვილი კლინიკაში მომუშავე მედპერსონალსაც შეხვდა.  აღნიშნული კლინიკა დაზღვევის ამოქმედებიდან დღემდე 22 პაციენტს მოემსახურა.

მინისტრის განცახადებით, პოლისებმა მთელი ქვეყნის მასშტაბით დაიწყო მოქმედება და ძალიან დიდი შეღავათია ყველა იმ ოჯახისთვის, ვისაც მკურნალობის დასაფარად სხვაგვარად უწევდა თანხის გადახდა.

შეგახსენებთ, რომ ახალი სახელმწიფო სადაზღვეო პროგრამა პირველი სექტემბრიდან ამოქმედდა.

internet.ge