მიხეილ სააკაშვილი მოსახლეობას შეხვდა, მანამდე კი ქვეყნის პირველმა პირმა გლდანისა და მუხიანის დამაკავშირებელი გზის ახალი მონაკვეთი გახსნა და მასზე თბილისის მერთან ერთად ელექტრომობილით იმგზავრა.

მიხეილ სააკაშვილმა გლდანელებს მოუწოდა იმ შემთხვევაში, თუ მათ სურთ მათი რაიონის აღმშენებლობა გაგრძელდეს, ხმა გლდანის მაჟორიტარობის კანდიდატ ნიკო ხაჩირაშვილს მისცენ, რომელიც თავის რაიონზე განსაკუთრებულად ზრუნავს.

"მინდა გთხოვოთ, რომ 1-ელ ოქტომბერს მოგვცეთ საშუალება ქვეყანა წავიყვანოთ წინ და არასდროს დავბრუნდეთ უკან. განსაკუთრებით მინდა გთხოვოთ, რომ ხმა მისცეთ ნიკო ხაჩირაშვილს, სხვანაირად ამ რაიონის განვითარება შეუძლებელია. თუ რამის დანგრევას სთხოვთ ნიკო ვერ დაანგრევს, იმიტომ, რომ მას ნგრევა არ შეუძლია, სამაგიეროდ, მე ვარ მოწმე როგორ შეუძლია მას შენება და მოსახლეობაზე დაუღალავად ზრუნვა", - განაცხადა პრეზიდენტმა.

მიხეილ სააკაშვილმა მოსახლეობას კალენდარი წარუდგინა, რომელშიც მათი სამოქმედო გეგმა დღეებშია გაწერილი.

internet.ge