პარლამენტის თავმჯდომარის მოადგილემ, ფრიდონ თოდუამ გერმანიის ბუნდესტაგის დელეგაცია მიიღო. შეხვედრაზე მხარეებმა საქართველო-გერმანიის ორმხრივი ურთიერთობები და სამომავლო თანამშრომლობის ასპეტქები განიხილეს.
როგორც შეხვედრისას აღინიშნა, 2005 წლიდან ბუნდესტაგის პროგრამის ფარგლებში ქართველი ახალგაზრდები სტაჟირების კურსს წარმატებით ახორციელებენ და იგეგმება აღნიშნული თანამშრომლობის კიდევ უფრო გაფართოება.
ორმხრივი ეკონომიკური და ბიზნეს ურთიერთობების გაღრმავების მიზნით, 28 სექტემბერს, გერმანიის გაერთიანების დღესთან დაკავშირებით, ბათუმში პირველად მოეწყობა ღონისძიება, რომელშიც მონაწილეობას მიიღებენ გერმანიის ბიზნეს დელეგაციის წარმომადგენლები და სხვადასხვა საპატიო სტუმრები.
ბუნდესტაგის დელეგაციის წარმომადგენლებთან შეხვედრას პარლამენტის საგარეო ურთიერთობათა კომიტეტის თავმჯდომარის მოადგილე, გიორგი კანდელაკიც დაესწრო.
internet.ge
