„ინფორმაციის თავისუფლების განვითარების ინსტიტუტი“ (IDFI) სოციალური ქსელების წინასაარჩევნო მონიტორინგის  პირველადი შედეგების პრეზენტაციას გამართავს.

პროექტის პირველ ეტაპზე მონიტორინგი, 19 საჯარო დაწესებულების, 10 პოლიტიკური სუბიექტისა და 6 ტელე-მედიასაშუალების ოფიციალურ facebook გვერდებს ჩაუტარდათ. კველვის მიზანი იყო გარკვეულიყო, თუ რამდენად ეფექტურად ხდება სოციალურ ქსელების მეშვეობით მოქალაქეებს, პოლიტიკურ სუბიექტებსა და მედიასაშუალებებს შორის კომუნიკაციის დამყარება  და აზრთა გაცვლა. ყურადღება გამახვილდა ასევე Facebook-ის გამოყენებაზე საარჩევნო კამპანიის საწარმოებლად და ტელე-მედიის სოციალურ ქსელებში საარჩევნო თემების გაშუქებაზე. 

პრეზენტაციაზე  ინსტიტუტი დამსწრე საზოგადოებას კვლევის  მომდევნო ეტაპზე განსახორციელებელ ღონისძიებებს გააცნობს. პროექტი ხორციელდება აღმოსავლეთ-დასავლეთის მართვის ინსტიტუტის (EWMI) პროგრამის „საქართველოში საჯარო პოლიტიკის, ადვოკატირებისა და სამოქალაქო საზოგადოების განვითარების“ (G-PAC)-ფარგლებში. 

Internet.ge