შს სამინისტროს მიერ დღეს გამოქვეყნებულ აუდიო ჩანაწერებში, კანონიერი ქურდი - დავით ხიზანიშვილი კრიმინალურ ავტორიტეტს - ლევან რევიშვილს ესაუბრება. საუბრიდან ირკვევა, რომ ხიზანიშვილს ორგანიზებული დანაშაულებრივი ჯგუფი ჰყავდა მობილიზებული, რომლებიც ამომრჩევლებზე ზეწოლას ახორციელებდნენ.
როგორც ცნობილი გახდა, დავით ხიზანიშვილი კანონიერი ქურდის - ლაშა შუშანაშვილის სახელით მოქმედებდა.
რამდენიმე ტელეკომპანია ავრცელებს ინფორმაციას, რომ კრიმინალური ავტორიტეტი ლევან რევიშვილი "ნაციონალური მოძრაობის" წევრია. "ინტერნეტ.ჯი" ამ ფაქტის დასაზუსტებლად მმართველ პარტიას დაუკავშირდა, სადაც აღნიშნული ინფორმაცია კატეგორიულად უარყვეს. მეტიც, როგორც აღმოჩნდა რევიშვილს მეუღლე საჩხერიდან ჰყავს, მისი სიმამრი კი "ქართული ოცნების" ერთ-ერთი აქტიური აქტივისტია რაიონში.
internet.ge
