„ქართული ოცნების“ გარდაბნის მაჟორიტარი დეპუტატობის კადიდატ მამუკა არეშიძის მიერ ამომრჩევლის მოსყიდვის ფაქტთან დაკავშირებით, ცენტრალური საარჩევნო კომისია ჯერჯერობით კომენტარს არ აკეთებს.

როგორც „ინტერნეტ.ჯი“–ს ცესკო–ს  პრესსამსახურში განუცხადეს, ამ ეტაპზე, არ უნახავთ ვიდეო მასალა, სადაც არეშიძის მიერ ამომრჩევლის მოსყიდვის ფაქტებია ასახული.

მათი ინფორმაციით, ცესკო ფაქტთან დაკავშირებით შეფასებას, დღის მეორე ნახევარში გააკეთებს.

საარჩევნო კოდექსის 47–ე მუხლის თანახმად, აკრძალულია ამომრჩევლის მოსყიდვა, მაგრამ თუ საარჩევნო სუბიექტის - კანდიდატის მხრიდან მაინც მოხდა მსგავსი ფაქტი, მაშინ კანდიდატის რეგისტრაციის გაუქმებასთან დაკავშირებით, სასამართლომ უნდა მიიღოს გადაწყვეტილება.

‘’ინტერნეტ.ჯი" აღნიშნულ ჩანაწერთან დაკავშირებით ცდილობს მამუკა არეშიძესთან დაკავშირებას, თუმცა მისი მობილური ტელეფონი ამ დროისთვის გამორთულია.

Internet.ge