ბიძინა ივანიშვილის პირადი მცველის ბესო სურმავას მიერ გამოქვეყნებულ ფარულ ჩანაწერში კოალიცია „ქართული ოცნების“ წევრი ირაკლი ღარიბაშვილი თინა ხიდაშელს უცენზურო სიტყვებით მოიხსენიებს.

რამდენიმე წუთის განმავლობაში, ვინმე გიოსთან სატელეფონო საუბარში ღარიბაშვილი თინა ხიდაშელს აგინებს.

ღარიბაშვილი ასევე აღნიშნავს, რომ ხიდაშელი პარტიაში ინტრიგებს ხლართავს და საერთოდ მისთვის საგარეო ურთიერთობებისა და პიარის ჩაბარება შეცდომა იყო.

როგორც ღარიბაშვილის საუბრიდან ირკვევა, კოალიციის წევრი არ გამორიცხავს იმ ფაქტსაც, რომ აღნიშნული საუბარი ხიდაშელის ყურამდეც მივიდეს, თუმცა დასძენს, რომ ‘’თუ ყველაფერი კარგად იქნება" ამ ყველაფერს პირადადაც ეტყვის.

Internet.ge