საქართველოს პრემიერ-მინისტრი ლაგოდეხის კლინიკას ესტუმრა, პაციენტები
მოინახულა და სამედიცინო პერსონალს გაესაუბრა.
ვანო მერაბიშვილმა შეხვედრისას ყურადღება დაზღვევის ახალ პროგრამაზე
გაამახვილა და პროგრამის მუშაობით დაინტერესდა. პრემიერმა კლინიკაში, პენსიონერი
პაციენტები მოინახულა.
„ყოველი მესამე პენსიონერმა უკვე ისარგებლა დაზღვევით. ადრე
ვტრაბახობდი, რომ პოლიცია იყო კარგად მოწყობილი, ახლა კი საავადმყოფიებიც ასეა.
ჩვენთვის ჯანმრთელობა ძალიან მნიშვნელოვანია და ამაში ბევრი ფული უნდა ჩავდოთ.
ასევე უნდა გავუზარდოთ ხელფასები ექიმებსა და ექთნებს, რომ თქვენ კარგად
მოგემსახურონ“,- განაცხადა მერაბიშვილმა.
პრემიერის თქმით, მთავრობის ერთ-ერთი მთავარი ამოცანა ჯანდაცვაა და
მედიცინაში მეტი ფული უნდა ჩაიდოს.
internet.ge
