კოალიცია „ქართული ოცნების“ ლიდერმა ბიძინა ივანიშვილმა დღეს გამართულ აქციაზე მასწავლებლებს ბიზნესმენებს, პოლიციელებს, ჯარისკაცებს, დევნილებს, ქართველ ემიგრანტებს, ვეტერანებსა და საჯარო მოხელეებს მოუწოდა მხარი დაუჭირონ.

გაემიჯნეთ უსამართლობასა და დანაშაულს და ხალხის მხარეს დადექით, განაცხადა მან.

კოალიციის ლიდერმა, აქციაზე სიტყვით გამოსვლისას ყურადღება ბოლო დროს გავრცელებულ აუდიო ჩანაწერებზე გაამხვილა. მისი შეფასებით, აღნიშნული ჩანაწერები უსუსურია. კოალიციის ლიდერმა ყველას ურჩია, ხალხის მოთმინება არ გამოსცადონ.

„ჩვენ უნდა შევძლოთ მშვიდობიანი გზით დავუბრუნოთ ქართველებს ღირსება და გავიმარჯვოთ. ახალ ხელისუფლებას კი, პირველივე დღიდან უნდა მოსთხოვოთ პასუხები. არ მინდა გაბრაზებულმა საზოგადოებამ გამოიტანოს გადაწყვეტილება“,- განაცხადა ივანიშვილმა.

internet.ge