აშშ-ის ელჩი საქართველოში, რიჩარდ ნორლანდი საბურთალოს ოლქის #26-ე უბანზე იმყოფებოდა, სადაც არჩევნების მიმდინარეობას აკვირდებოდა.

როგორც  ნორლანდიმ ჟურნალისტებთან საუბრისას განაცხადა, არჩევნების შედეგები დამოკიდებულია თითოეული ქართველის ხმაზე.

„ვიმედოვნებთ, დარღვევებს ადგილი არ ექნება, მაგრამ თუ ასეთი დაფიქსირდება, ჩვენ მათ შესახებ განვაცხადებთ. ყველა მხარის შედეგებმა დაგვარწმუნა, რომ ისინი პატივს სცემენ სარწმუნო პროცესის შედეგებს და მხარდამჭერებსაც ამავეს მოუწოდებენ“,- განაცხადა ელჩმა.

რიჩარდ ნორლანდიმ, ხმების დათვლამდე და შედეგებემადე,  საზოგადოებას სიმშვიდის შენარჩუნებისკენ, ნდობისა და მოთმინებისაკენ მოუწოდა.

„საერთაშორისო საზოგადოება  საქართველოს დემოკრატიისა და ქართველი ხალხის მხარდაჭერაში საკუთარ წვლილს შეიტანს“,- განაცხადა ელჩმა.

 internet.ge