საქართველოს პრეზიდენტი რაჭას სტუმრობს.

ამის შესახებ "ინტერნეტ.ჯი"-ს კორესპონდენტი ადგილიდან იტყობინება.

მიხეილ სააკაშვილი საარჩევნო უბანზე მისვლის შემდეგ რაჭაში გაემართა.

შეგახსენებთ, რომ პრეზიდენტი, თბილისში, ზანდუკელის ქუჩაზე, #19 საარჩევნო უბანზე მეუღლესთან და უმცროს ვაჟთან, ნიკოლოზ სააკაშვილთან ერთად მივიდა.

როგორც სააკაშვილმა საარჩევნო უბანზე, ჟურნალისტებთან საუბარში განაცხადა, ქართველი ხალხი ყველა გადამწყვეტ მომენტში იღებდა სწორ გადაწყვეტილებას და სწორედ ეს არის საქართველოს მრავალეთნიკური საზოგადოებისთვის მთავარი.

„მე დარწმუნებული ვარ ჩვენი ხალხის გამჭრიახობაში, გამბედაობაში, გონიერებასა და ნიჭიერებაში. დღეს იქნება მაღალი სამოქალაქო შეგნების გამოხატულება“ - განაცხადა მიხეილ სააკაშვილმა არჩევანის გაკეთების შემდეგ. 

internet.ge