საქართველოს მთელს ტერიტორიაზე, დღეს, საპარლამენტო არჩევნები მიმდინარეობდა. ამ დროისათვის კი, ყველა საარჩევო უბანი დაიხურა. საპარლამენტო არჩევნებთან ერთად, დღესვე, აჭარის ავტონომიური რესპუბლიკის აჭარის უმაღლესი საბჭოს არჩევნებიც ჩატარდა.

მოქალაქეები პარლამენტს  4 წლის ვადით ირჩევენ. დეპუტატთა რაოდენობა  150-ით განისაზღვრა, აქედან, 77 დეპუტატი პროპორციული საარჩევნო სისტემით აირჩევა, ხოლო 73 წევრი – მაჟორიტარული.

საქართველოს მთელს ტერიტორიაზე საარჩევნო უბნები 08:00 საათიდან გაიხსნა. არჩევნები სულ საქართველოს 73 ოლქის 3 648 უბანზე ჩატარდა.

ცესკო-მ საპარლამენტო არჩევნებისთვის 71 ე.წ სპეციალური უბანი გახსნა. ორი მსგავსი უბანი გახსნილი იყო საავადმყოფოებში, ხოლო დანარჩენი - სასჯელაღსრულების სისტემის დაწესებულებებში, შეიარაღებული ძალების ნაწილებსა და პოლიციაში.

პირველი ოქტომბრის საპარლამენტო არჩევნებს მონიტორინგს 61 საერთაშორისო სადამკვირვებლო მისია უწევდა.

internet.ge