ახალი მთავრობის წევრთა ვინაობა 8 ოქტომბერს გახდება ცნობილი. აღნიშნულის შესახებ კოალიცია „ქართული ოცნების“ ლიდერმა ბიძინა ივანიშვილმა განაცხადა.

დღესვე, მან ბიზნესმენებს არსებული გადასახადების გადახედვისკენ და მაღალი ფასების დარეგულირებისკენ მოუწოდა.

შეგახსენებთ, ბიძინა ივანიშვილის შეხვდა ბიზნესმენებთან კითხვა-პასუხის რეჟიმში ამ დრომდე მიმდინარეობს. ბიზნესმენებს აინტერესებთ ახალი გუნდის დამოკიდებულება ბიზნესთან მიმართებაში და იქნება თუ არა ის ისეთივე ლიბერალური, როგორც კოალიცია „ქართული ოცნების“ წინასაარჩევნო პროგარამაშია აღნიშნული.

კოლაიციის პრეს-სამსახურის ცნობით, ბიზნესმენებთან შეხვედრა 15 წუთში დასრულდება, შემდეგ კი ივანიშვილი  აკაკი გოგიჩაიშვილის ბიზნეს კურიერისთვის შეკითხვებს „ქორთიარდ მარიოტში“ მოწყობილი სტუდიიდან უპასუხებს.

Internet.ge