გავრცელებული ინფორმაციით, კოალიცია „ქართული ოცნების“ ერთ-ერთი ლიდერის, ირაკლი ალასანიას პრესსპიკერი ვაკო ავალიანი თავდაცვის მინისტრის მოადგილედ ინიშნება.

აღნიშნული ინფორმაცია „ინტერნეტ.ჯი“-სთან საუბრისას თავად ავალიანმა არც უარყო და არც დაადასტურა.

„დაინიშნება ბატონი ირაკლი თავდაცვის მინიტრად და შემდეგ გაიგებთ ვიქნები თუ არა მისი მოადგილე“,- აღნიშნა ავალიანმა.

შეგახსენებთ, რომ ბიძინა ივანიშვილმა ირაკლი ალასანია თავდაცვის მინისტრის თანამდებობაზე წარადგინა.

როგორც კოალიციის ლიდერმა აღნიშნა, ყველა მინისტრი მოადგილეებს თავად აირჩევს.

internet.ge