საქართველოს სატყეო დეპარტამენტის ყოფილ ხელმძღვანელს საქართველოში ჩამოსვლა ჯერ არ გადაუწყვეტია.

როგორც „ინტერნეტ.ჯი“-ს ინტერპოლის მიერ ძებნილმა ბიძინა გიორგობიანმა განუცხადა, „არ იცის რას იზამს“.

„არაფერი გადამიწყვეტია, არ ვიცი რას ვიზამ“,- განაცხადა გიორგობიანმა.

კითხვაზე რა აზრის იყო ის საპარლამენტო არჩევნებზე „ქართული ოცნება - ბიძინა ივანიშვილის" გამარჯვების შესახებ, გიორგობიანმა პასუხის გაცემა არ ისურვა.

შეგახსენებთ, რომ  მიმდინარე წლის 23 მაისს, საქართველოს კონტროლის პალატამ, გიორგობიანის მიერ  საქველმოქმედო ფონდ „ქომაგისთვის“ გადარიცხული 90 000 ევრო დააყადაღა და ინტერპოლის მიერ ძებნილი ყოფილი ჩინოვნიკი სამართალდამრღვევად გამოაცხადა.

აღნიშნული თანხა პოლიტიკური მიზნებისთვის შესაძლო გამოყენების მოტივით დაყადაღდა. 

internet.ge