კოალიცია „ქართული ოცნების” ერთ-ერთი ლიდერის სოზარ სუბარის განცხადებით,  თამაზ თამაზაშვილი პოლიტიკური რეპრესიების მსხვერპლია. როგორც მან ჟურნალისტებს განუცხადა თამაზაშვილი ციხიდან აქამდეც უნდა გათავისუფლებულიყო.

"ეს ადამიანი ციხეში იჯდა ისე, რომ დანაშაული არ ჰქონია ჩადენილი და მისი ციხეში ჯდომა მოხდა იმის გამო, რომ ის იყო პოლიტიკური რეპრესიების მსხვერპლი. ის აქამდეც უნდა გამოეშვათ ციხიდან”, - განაცხადა სოზარ სუბარმა.

თამაზ თამაზაშვილი სასჯელაღსრულების დაწესებულებას 11 ოქტომბერს, საპროცესო შეთანხმების საფუძველზე დატოვებს.

შეგახსენებთ, რომ თბილისის საქალაქო სასამართლოს 2012 წლის 30 აპრილის განაჩენით, თამაზ თამაზაშვილი ბრალდებულ იქნა  ცეცხლსასროლი იარაღის და ასაფეთქებელი მოწყობილობის მართლსაწინააღმდეგო შეძენა, შენახვასა და ტარებაში და მას 3 წლისა და 6 თვის ვადით თავისუფლების აღკვეთა მიესაჯა.

განაჩენი უცვლელად დატოვა თბილისის სააპელაციო სასამართლომ. თამაზ თამაზაშვილი სასჯელს 2011 წლის 11 ოქტომბრიდან იხდის.

Internet.ge