თბილისის მერი გიგი უგულავა ახლადარჩეულ მაჟორიტარებს თბილისის მერიაში იწვევს. გიგი უგულავა კოალიცია „ქართული ოცნების“ თბილისის მაჟორიტარ დეპუტატებთან შეხვედრას მომავალი წლის ბიუჯეტისა და სხვადასხვა პროგრამების განსახილველად აპირებს.

წინასწარი ინფორმაციით, შეხვედრას თბილისის საკრებულოს წევრებიც დაესწრებიან.

„თბილისის საკრებულოს წევრებთან ერთად მინდა მოვიწვიო ახლადარჩეული თბილისის მაჟორიტარები. მოგეხსენებათ, რომ ნომებერში უკვე იწყება საბიუჯეტო განხილვები, საკრებულოშიც და პარლამენტშიც, არის მთელი რიგი პრობლემები, რომელიც აწუხებს თბილისს და თბილისელებს, ამიტომ მე ზად ვარ მათთან ერთად შევაჯერო სხვადასხვა პროექტები, რომელიც ასახული იქნება ბიუჯეტში. თუ მათი მხრიდან სურვილი იქნება, ჩვენ ვისაუბრებთ კომუნალურ და სხვა საჭირბოროტო საკითხებზეც,“-განაცხადა გიგი უგულავამ.

ზუსტი დრო და თარიღი, თუ როდის შედგება თბილისის მერსა და მაჟორიტარებს შორის შეხვედრა, ჯერჯერობით უცნობია.

internet.ge