ციხის სკანდალური კადრების ავტორი ვლადიმერ ბედუკაძე „ობიექტივის“ დამფუძნებელს ირმა ინაშვილს შანტაჟში ადანაშაულებს.

ვლადიმერ ბედუკაძემ სოციალურ ქსელ „ფეისბუქის“ საკუთარ გვერდზე დაწრა, რომ საფლავში ჩაყვება მათ და თავისას არ გაატანინებს. მისი სიტყვების ადრესატი კი „იობიექტივის“ თანამშრომლები იყვნენ. 

„ეს პოსტი დავწერე  „ობიექტივის“ თანამშრომლებზე და პირადად ირმა ინაშვილზე.  „ობიექტივი“ თავად ახდენს თავიანთი თავის ლუსტრირებას. მე არ მოვიაზრებოდი იმ სპექტაკლში, რომლის დადგმასაც აპირებდნენ.  სპექტაკლი კი იყო ის, რომ მე გამოვეყვანე ვიღაც აგენტი და ინაშვილს თავი მაგარი ჟურნალისტი, თითქოს მან მოიპოვა ეს მასალები და ჩაიგდო ხელში,“-აცხადებს ციხის კადრების ავტორი ვლადიმერ ბედუკაძე.

სასჯელაღსრულების დაწესებულების ყოფილი თანამშრომელი ამბობს, რომ

ირმა ინაშვილი თავის მართლების რეჟიმშია გადასული.

„მინდა მივმართო პროკურატურას, მთლიანად გადაამოწმოს „ობიექტივის“ ფინანსური დოკუმენტაცია. მე მაქვს ინფორმაცია, რომ ზაფხულის თვეებში მათ ანგარიშზე დიდძალი თანხებია დარიცხული. მე ერთ-ერთ განცხადებაში მათქმევინა კიდეც მან ტყუილი და როცა მივმართე ინაშვილს, რატომ მათქმევინე ტყუილი მეთქი, მიპასუხა იქ (ხელისუფლებაში) მერე დაერევიან და დაჭამენ ერთმანეთს და ასე იყო საჭიროო. ეს იყო  როცა მე დავადასტურე ირმა ინაშვილის განცხადება, თითქოს ჩემი მეგობარი იყო მინისტრის მოადგილე. სინამდვილეში ასე არ ყოფილა,“-აცხადებს ბედუკაძე.

Internet.ge