უცნობმა ავტორმა ინტერნეტით ხარკოვის საავადმყოფოში გადაღებული იულია ტიმოშენკოს კადრები გაავრცელა.

მაშინ, როცა უკრაინის ექს-პრემიერი და მისი გარემოცვა აცხადებს, რომ გადაადგილება უჭირს, ტიმოშენკო ჰანტელებითაც ვარჯიშობს და მაღალ ქუსლებზეც კარგად დადის - ნათქვამია ვიდეოს კომენტარში.

ვიდეო-რგოლში რამდენიმე ეპიზოდი მოხვდა: ზოგი, სავარაუდოდ, პალატაშია გადაღებული, ზოგიც, ოთახში, სადაც ტიმოშენკო ვარჯიშობს.

კადრებს უკვე გამოეხმაურა უკრაინის პენიტენციური სამსახური, სადაც აღნიშნეს, რომ აუცილებლად გამოიკვლევენ, როგორ მოხვდა ეს კადრები ქსელში - „ტიმოშენკოს მსგავსი ქალის მონაწილეობით“.

ტიმოშენკოს მომხრეები კი ვიდეორგოლს პროვოკაციას უწოდებენ. ამასთან, უფლებადამცველებს ყოველთვის უცხადებდნენ, რომ საავადმყოფოში ექს-პრემიერს ვიდეოთვალთვალი არ ხდება.