კომპანიები -  "პრიზა", “არტი“, "ინტერნეიშენელ ბილდინგ კომპანი" და "ლივო გრუპი" ქონების დაბრუნების მოთხოვნით, მთავარ პროკურატურას მიმართავენ. 

აღნიშნულ საკითხთან დაკავშირებით, ქიბარ ხალვაშის  ადვოკატმა პაატა სალიამ  დღეს  პრესკონფერენცია გამართა და განაცხადა, რომ უკანონოდ ჩამორთმეული ქონების დაბრუნების იმედი მათ 1-ლი ოქტომბრის არჩევნების შედეგებმა გაუჩინა. 

მისი თქმით, ქონების დაბრუნებასთან დაკავშირებული დავები მას შემდეგ დაიწყება, რაც საკანონმდებლო ბაზა შემუშავდება, რომელიც უკანონოდ ჩამორთმეული ქონების დაბრუნების შესაძლებლობას უზრუნველყოფს.

“ქიბარ ხალვაშის სახელთან დაკავშირებული კომპანიები - "არტი", "პრიზა", "ინტერნეიშენელ ბილდინგ კომპანი", "ლივო გრუპი" სამართლებრივი გზებით ბრძოლას განაგრძობენ. დაგეგმილია საქართველოს მთავარი პროკურატურისათვის მიმართვა ქიბარ ხალვაშისა და მისი პარტნიორების, აგრეთვე მათი კომპანების წინააღმდეგ კონკრეტული თანამდებობის პირების მიერ განხორციელებული ქმედებების დეტალური აღწერით და დასაბუთებით“, - აცხადებს სალია.

სალია ტელეკომპანია "რუსთავი 2"-სა  და  "მზესაც" შეეხო და განაცხადა, რომ  ამ საკითხზე, კომენტარს თავად ქიბარ ხალვაში გააკეთებს. 

internet.ge