ჟურნალისტმა  ნანუკა ჟორჟოლიანმა, შესაძლოა, გაზეთ „ვერსიას“ უჩივლოს. როგორც ტელეწამყვანი „ფეისბუქის“ საკუთარ გვერდზე წერს, თუ გამოცემა არ დაამტკიცებს იმ ფაქტს, რომ გადაცემა ჯერ  იწერებოდა და მერე  იმედი კოლოსალური თანხების მოძიებაში იყო, ის სასამართლოს მიმართავს.

„დღეიდან ყველა ბრალდებას თავისუფლად ვუპასუხებ და ცილისწამების შემთხევვაში სასამართლოს მივმართავ. ახლა მაინც აღარ იტყვიან ეგ ხომ მოიგებდა პროცესსო. დღეს, გაზეთ “ვერსიაში” წავიკითხე, რომ თურმე ჩემი გადაცემა ჯერ იწერებოდა და მერე თურმე იმედი "კოლოსალური" თანხების მოძიებაში იყო. თუ გაზეთი ამას არ დამიმტკიცებს ( რისი საშუალებაც ახალი მფლობელის პირობებში თავისუფლად აქვთ) მივმართავ სასამართლოს. ისე, რომ იცოდეს ამ "პროფესიონალმა" ჟურნალისტმა - ჩემს გადაცემაში ჩაწერისთვის თვეში 5 000 ლარი იხარჯებოდა. ანუ 4 გადაცემაზე რამდენი დაიხარჯებოდა, იმედია, გაყოფა მაინც იცის რომ დათვალოს. რაც შეეხება ჩემს გადაცემას, მას რეკლამით და წარმდგენებით სოლიდური თანხა შეჰქონდა ტელეკომპანიაში“,- აცხადებს „ნანუკას შოუს“ წამყვანი.

Internet.ge