თავდაცვის ყოფილი მინისტრის, დიმიტრი შაშკინის მიერ ქვეყნის დატოვებასთან დაკავშირებით, უმცირესობის წევრები კომენტარს არ აკეთებენ.

ჟურნალისტებთან ამ საკითხზე კომენტარის გაკეთება არ ისურვა, უმცირეოსობის წევრმა აკაკი მინაშვილმა.

„თქვენ შეგიძლიათ თქვენი კითხვები დიმიტრი შაშკინს facebook-ზე თავად გაუგზავნოთ“,- მიმართა მედიის წარმომადგენლებს მინაშვილმა.

შეგახსენებთ, რომ დიმიტრი შაშკინმა მიმართვა გაავრცელა, სადაც ნათქვამია, რომ ის საქართველოს ტოვებს.

"მე მივიღე გადაწყვეტილება, რომ დავტოვო საქართველო, იმ იმედით, რომ დავბრუნდები და კვლავ მექნება საშუალება, ვემსახურო ჩემს ქვეყანას, ჩემს ხალხს. არ გამიკვირდება, რომ უახლოეს მომავალში გაიგოთ  ბევრი "გაუგონარი ამბავი“ ჩემ შესახებ. ვინც მიცნობს, არ დაიჯერებს. თუმცა, ვინც არ მიცნობს, მინდა, დავარწმუნო, რომ ყოველთვის ვიცავდი კანონს და პასუხისმგებლობით ვეკიდებოდი ჩემზე დაკისრებულ მოვალეობებს“,- ნათქვამია მიმართვაში.

internet.ge