კახეთის გზატკეცილზე, თანამედროვე დიზაინის ახალი, მრავალფუნქციური კომპლექსის East Gate-ის მშენებლობა მიმდინარეობს. ახალ ობიექტზე მიმდინარე სამუშაოები დღეს, თბილისის მერმა გიგი უგულავამ დაათვალიერა.

პროექტს CBD Development ახორცილებს. აღნიშნული ობიექტის მშენებლობაში კომპანია 40 მილიონი დოლარის ინვესტირებას გეგმავს. მრავალფუნქციური კომპლექსი რამოდენიმე 2 და 3 სართულიან შენობას გააერთიანებს, სადაც  სხვადასხვა დანიშნულების კომერციული ობიექტი განთავსდება. მოეწყობა  გალერეები, გასართობი ცენტრები, ტანსაცმელების, აქსესუარებისა და ტექნიკის  მაღაზიები, ჰიპერმარკეტი, რესტორნები და სწრაფი კვების ობიექტები, რომლებიც ერთმანეთს  ხიდებითა და ტერასებით დაუკავშირდება.

კომერციული ცენტრის ეზოში ასევე დაგეგმილია  კონოთეატრის, საზაფხულო სკოლის, ბოულინგისა და ფიტნეს ცენტრების მშენებლობა. ტერიტორია სხვადასხვა სახეობის ხე-მცენარეებით გამწვანდება. ამჟამად მიწის მოჭრისა და საყრდენი კედლების მოწყობა მიმდინარეობს. სამუშაოებზე   200 ადამიანია დასაქმებული. მრავალფუნქციური კომპლექსის მშენებლობა 2014 წლის გაზაფხულზე დასრულდება.

internet.ge