საგარეო საქმეთა მინისტრის, მაია ფანჯიკიძის განცხადებით, მისი მოადგილე ნიკოლოზ ვაშაკიძე იქნება. დიპლომატი გრიგოლ ვაშაძის კადრია და ძველ მთავრობაში სწორედ ექს-მინისტრის პირველი მოადგილე იყო.

როგორც ფანჯიკიძემ ჟურნალისტებს განუცხადა, ნიკოლოზ ვაშაკიძე  გამოცდილი დიპლომატია და მისი გამოცდილება უწყებისთვის საჭიროა, ამიტომ, მან ვაშაკიძეს დარჩენა სთხოვა, რაზეც თანხმობა მიიღო.

რაც შეეხება ახალ მოადგილეებს, პირველი მოადგილის პოსტს დავით ზალკანიანი დაიკავებს, რომელიც 18 წლის განმავლობაში მუშაობდა საგარეო უწყებაში.

დღესვე გახდა ცნობილი, რომ ფანჯიკიძის მოადგილედ  გოგა ხელაია ინიშნება.

მინისტრის თქმით, რაც შეეხება დანარჩენი ორი მოადგილის დანიშვნას, ამაზე მას ჯერ გადაწყვეტილება მიღებული არ აქვს.

internet.ge