საქართველო-მინსკის რეისით საქართველოში ემზარ კვიციანის ცოლ-შვილი დაბრუნდა.

კვიციანის მეუღლე თეთნულდი ანსიანი დარწმუნებულია, რომ ახალი ხელისუფლება მათ საქმეს გადახედავს.

„უბედნიერესი დღეა, დიდი იმედი მაქვს ახალი მთავრობის და ბიძინა ივანიშვილის“,- აღნიშნა მან.

კვიციანების ოჯახს თბილისის საერთაშორისო აეროპორტში სახალხო კრების წევრი ირაკლი ბათიაშვილი დახვდა.

როგორც ბათიაშვილმა განაცხდადა, ოჯახის დაბრუნება ქვეყანაში შექმნილ „რეალურ ცვლილებებს“ უკავშირდება.

„ოჯახს, მეუღლეს მიეცათ სამშობლოში დაბრუნების საშუალება. ეს იმის მაგალითია რომ ქვეყანაში რეალური  ცვლილებებია“,- განაცხადა ბათიაშვილმა.

შეგახსენებთ, რომ ემზარ კვიციანის მიმართ საქმე 2006 წელს აღიძრა.

მას ბრალად  უკანონო ბანდ-ფორმირებების შექმნა და სახელმწიფო გადატრიალების მცდელობა ედება.

2006 წლიდან კვიციანების ოჯახი საზღვარგარეთ ცხოვრობს.

Internet.ge