“მხარს ვუჭერთ ამ გარდამავალ პერიოდში საქართველოს ფინანსურ სტაბილურობას და მიმდინარე პროცესებს",- აღნიშნული განცხადება აშშ-ის ელჩმა  რიჩარდ ნორლანდმა  ფინანსთა მინისტრ ნოდარ ხადურთან გამართული შეხვედრის შემდეგ გააკეთა.

"ეს იყო კარგი შესაძლებლობა აშშ-სთვის, რათა გაცნობოდა ახალ მთავრობას და მის გუნდს,” - განაცხადა ელჩმა.

თავის მხრივ ხადურმა  იმედი გამოთქვა, რომ მომავალში აშშ-სა და  საქართველოს შორის თანამშრომლობა კიდევ უფრო გაღრმავდება და ურთიერთობა უფრო ნაყოფიერი იქნება.

რაც შეეხება საუბრის მთავავარ თემას, როგორც მხარეებმა ჟურნალისტებს განუცხადეს, საუბარი ათასწლეულის განვითარების პროგრამის გაგრძელებას შეეხო.

Internet.ge