საპატიმროს დღეს კიდევ რვა პატიმარი დატოვებს.

როგორც „ინტერნეტ.ჯი“-ს სასჯელაღსრულების პრობაციისა და იურიდიული დახმარების საკითხთა სამინისტროს საზოგადოებასთან ურთიერთობის დეპარტამენტიდან აცნობეს, დღის მეორე ნახევრიდან  ქუთაისის #2 დაწესებულებას ერთი პატიმარი დატოვებს,  ბათუმის #3 დაწესებულებიდან ერთი პატიმარი გათავისუფლდება. ქალთა #5 დაწესებულებას  ერთი ქალბატონი დატოვებს. სამი პატიმარი დატოვებს გეგუთის #14 დაწესებულებას. რუსთავის #17 დაწესებულებიდან კი ორი პატიმარი გათავისუფლდება.

სასჯელაღსრულების, პრობაციისა და იურიდიული დახმარების საკითხთა მინისტრის სოზარ სუბარის განცხადებით, საპატიმრო დაწესებულებებიდან ეტაპობრივად 300-მდე პატიმარი პირობით ვადაზე ადრე გათავისუფლდება.

Internet.ge