ქსნის #15 სასჯელაღსრულების დაწესებულებასთან პატიმართა ახლობლების აქცია გრძელდება. როგორც ისინი აცახდებენ, პატიმრები ციხის ახლადდანიშნული ხელმძღვანელის, ნუკრი ხუხუას და მასთან ერთად ექვსი თანამშრომლის გათავისუფლებას მოითხოვენ.

პატიმართა ახლობლების ინფორმაცია თითქოს ქსნის #15 დაწესებულებაში ბუნტია და იქ სპეცრაზმის შესვლა იგეგმება,  არ დადასტურდა.

ამასთან, გუშინ აქციის მონაწილეებმა ციხეში შეჭრა სცადეს, რა დროსაც  ციხის დაცვის თანამშრომელი დაშავდა. ადგილზე გამოძახებული იყო პოლიცია და სასწრაფო-სამედიცინო დახმარების ბრიგადა.

გუშინვე დაწესებულებაში  მონიტორინგის ჯგუფის წევრები შევიდნენ. როგორც საპყრობილედან გამოსულმა  დიმიტრი ლორთქიფანიძემ ჟურნალისტებს განუცხადა, პროტესტის ნიშნად 15-მა პატიმარმა პირი ამოიკერა.

პატიმრებს შეხვდნენ სასულიერო პირებიც.

Internet.ge