რკინიგზის საავადმყოფოში შეჭრილი სოციალურად დაუცველი 11 პირი, საცხოვრებელი ფართებით დაკმაყოფილების მოთხოვნით, მშრალი შიმშილობის დაწყებით იმუქრება.

მათი ერთადერთი მოთხოვნა საცხოვრებელი ფართით უზრუნველყოფაა.

სოციალურად დაუცველი პირები  პასუხს ახალი ხელისუფლებისგან ითხოვენ და აცხადებენ, რომ მთავრობის წარმომადგენლებმა პასუხი უნდა გასცენ დატოვებენ მათ რკინიგზის საავადმყოფოში თუ ალტერნატიული საცხოვრებელი ფართით უზრუნველყოფენ.

მოშიმშილეების ინფორმაციით, სოციალურად დაუცველი პირები დღეს პარლამენტარ კობა დავითაშვილთან მოლაპარაკებას გეგმავენ.

რკინიგზის საავადმყოფოს შენობაში შეჭრილმა სოციალურად დაუცველმა პირებმა  შიმშილობა 30 ოქტომბერს დაიწყეს.

internet.ge