საქართველოს თავდაცვის მინისტრ ირაკლი ალასანიას განცხადებით, მისი უწყების საფინანსო სამსახურები აქტიურად თანამშრომლობენ ფინანსთა სამინისტროსთან და პარლამენტის შესაბამის კომიტეტებთან, რათა საქართველოს შეიარაღებულ ძალებს ადექვატური დაფინანსება ჰქონდეს.  

ალასანია იმედს გამოთქვამს, რომ 2013 წლის სახელმწიფო ბიუჯეტის საბოლოო ვარიანტში სამინისტროს მოთხოვნები გათვალისწინებული იქნება. 

"ეს საჭიროა იმისთვის, რომ შევძლოთ მშვიდობის დაცვა და ქვეყნის დაცვა. იმედი გვაქვს, როდესაც პროექტის საბოლოო ვარიანტი იქნება შემუშავებული, ჩვენი მოთხოვნები გათვალისწინებული იქნება. სამინისტროს პრიორიტეტებია სწორედ კადრების მომზადება, საბრძოლო შესაძლებლობების განვითარება, რათა ყველა საფრთხეზე სწრაფი და შესაბამისი რეაგირება მოხდეს," - აღნიშნა ალასანიამ. 

2013 წლის ბიუჯეტში თავდაცვის სამინისტროს დაფინანსება იზრდება.

internet.ge