2 წლის
ბავშვი ვოლიერს მიღმა
გადავარდა და აფრიკული
ველური ძაღლების
გარემოცვაში აღმოჩნდა.
ბავშვი გალიის
კიდეზე დედამ დასვა,
რათა ცხოველები
უკეთესად დაეთვალიერებინა.
რამდენიმე წამში კი
საკუთარი თვალით ნახა,
როგორ გლეჯდნენ
ცხოველები მისი შვილის
სხეულს.
მედოკს დერკოშს
ვერც ზოოპარკის
დაცვამ უშველა. 11 აგრესიული
მტაცებელი მათ მიმართაც
აგრესიას გამოხატავდა.
პიცბურგის ზოოპარკში
მომხდარმა ამ შემთხვევამ
დამთვალიერებელთა შორის პანიკა
გამოიწვია, მითუმეტეს,
რომ თვითმხილველთა
განცხადებით,
პოლიციამაც და ზოოპარკის
მაშველებმაც ადგილზე მისვლა
დააგვიანეს.
საბოლოოდ, მათ მაინც
მოახერხეს გალიებში
შეეშვათ 10 ძაღლი, ერთი
კი დაუმორჩილებლობის
გამო, იძულებულნი
გახდნენ, მოეკლათ.
სპეციალისტთა თქმით,
აფრიკული ველური ძაღლები
გადაშენების პირას მყოფი
ჯიშია, ამასთან ისინი
ყველაზე საშიშ მტაცებელ
ცხოველებად ითვლებიან.
ისინი მსხვერპლს
შემთხვევათა 80%-ში კლავენ,
მაშინ, როცა ლომების
ანალოგიური მაჩვენებელი
30%-ია.
Internet.ge
