თავდაცვის სამინისტროს გაერთიანებული შტაბის ყოფილი უფროსი - გიორგი კალანდაძე პირადად იუსტიციის მინისტრმა, თეა წულუკიანმა დააკავა.

კალანდაძის დაკავება თავდაცვის სამინისტროს ადმინისტრაციულ შენობაში, 7 ნოემბერს, 05:20 საათზე მოხდა.

როგორც ადვოკატმა დავით კალანდაძემ განაცხადა, კალანდაძე მოულოდნელად სამსახურში გამოიძახეს და ბრალი საქართველოს სს კოდექსის 333-ე მუხლის მესამე ნაწილით წაუყენეს, რაც თანამდებობრივი უფლებამოსილების გადამეტებას გულისხმობს.

გუშინვე, კალანდაძესთან ერთად დააკავეს  შეიარაღებული ძალების მე-4 ქვეითი ბრიგადის მეთაური, ვიცე-პოლკოვნიკი ზურაბ შამათავა.

კალანდაძის მსგავსად, მასაც სამსახურეობრივი უფლებების გადამეტება ედება ბრალად.

დანაშაული 5-დან 8 წლამდე თავისუფლების აღკვეთას ითვალისწინებს.

internet.ge