ამერიკელი ბიზნესმენი, ცნობილი სამშენებლო კომპანიის პრეზიდენტი დონალდ ტრამპი დღეს, თბილისის ქუჩებს, მერთან გიგი უგულავასთან ერთად
დაათვალიერებს.
როგორც „ინტერნეტ.ჯის“ თბილისის
მერიაში განუცხადეს, დონალდ ტრამპთან და გიგი უგულავასთან ერთად თბილისის ქუჩებს
კიდევ სხვა უწყებების ხელმძღვანელებიც შეუერთდებიან.
ამერიკელი ბიზნესმენს, თბილისში 11:00 საათისთვის ელოდებიან.
დონალდ ტრამპი დღეს, თბილისში დარჩება, ხვალ კი,
ბათუმში გაემგზავრება, სადაც მედიის
წარმომადგენელებისთვის პრესკონფერენციას გამართავს.
დონალდ ტრამპი საქართველოში ორდღიანი ვიზიტის ფარგლებში, საქართველოს პრეზიდენტს მიხეილ სააკაშვილს შეხვდება.
ბათუმში, დონალდ ტრამპი "ტრამპ თაუერის" მშენებლობის პროექტის პრეზენტაციასაც დაესწრება.
ბიზნემსმენის ინვესტიციით, თბილისსა და ბათუმში
საცხოვრებელი
კომპლექსი და სასტუმრო უნდა აშენდეს.
Internet.ge
