მინისტრების თანანმდებობიდან გადაყენებასთან დაკავშირებით, პარლამენტში „ქრისტიან–დემოკრატების“ წინადადება ჩავარდა.

დღევანდელ პლენარულ სხდომაზე, დეპუტატებმა, „ქრისტიან–დემოკრატების“ მოთხოვნით, ოკუპირებული ტერიტორიებიდან დევნილთა განსახლებისა და ლტოლვილთა მინისტრის, კობა სუბელიანის პოსტიდან გადაყენების საკითხს უყარეს კენჭი, რომელიც  13 მომხრე ხმით 64–ის წინააღმდეგ ჩავარდა.

ამას გარდა, კანონმდებლებმა კენჭი უყარეს – პრობაციის, სასჯელაღსრულებისა და იურიდიული დახმარების მინისტრის, ხათუნა კალმახელიძის თანანმდებობიდან გათავისუფლების საკითხს, რომელიც 13 მომხრე ხმით 64–ის წინააღმდეგ ჩავარდა.

ფრაქციამ კენჭისყრებზე, სახალხო დამცველის 2011 წლის ანგარიშთან დაკავშირებით, დადგენილებაც დააყენა, რომელიც 13 მომხრე ხმით 39–ის წინააღმდეგ ჩავარდა.

„ქრისტიან–დემოკრატების“ შეფასებით, აღნიშნულმა მინისტრებმა დაკავებული თანანმდებობები უნდა დატოვონ, რადგან მათ უწყებებში მიმდინარე კანონდარღვევებზე სახალხო დამცველის ანგარიშში მრავალი ფაქტია მოყვანილი.

internet.ge