ამ წუთებში, პარლამენტთან, საქართველოს აზერბაიჯანის სტუდენტთა ასოციაციის წევრები მივიდნენ და აქციას მართავენ.

აზერბაიჯანელი სტუდენტები, დეპუტატ ჯონდი ბაღათურიას განაცხადებას აპროტესტებენ, რომელიც დეპუტატმა დღეს, სპლენარულ სხდომაზე გააკეთა. ბაღათურიამ სხდომაზე კითხვა დასვა: “საქართველოს პარლამენტს სომხებმა გენოციდის აღიარება, რომ სთხოვონ რას აპირებთო“, რასაც ასევე, აზერბაიჯანელი დეპუტატის, აზერ სულეიმანოვის აღშფოთება მოჰყვა.

პარლამენტის წინ დაახლოებით 30 ადამიანია შეკრებილი და ისინი სკანდირებენ : „ბაღათურია გამყიდველი“, „გაიყიდა ბაღათურია“.

აქციაზე მყოფი საქართველოს აზერბაიჯანის სტუდენტთა ასოციაციის თავმჯდომარის, სამირა ისმაილოვას განცხადებით კი, აღნიშნული საკითხი პოლიტიკოსების განსახილველი არ არის და ამაზე ისტორიკოსებმა უნდა იმსჯელონ.

internet.ge