„თავისუფალი დემოკრატების“ ლიდერი დაკავებულ სერგო ჩაჩიბაიას პოლიტპატიმარს უწოდებს. ირაკლი ალასანიას თქმით, ზუგდიდელი მოსამართლე გადაწყვეტილებას დამოუკიდებლად ვერ იღებს.

„დღეს ნათლად გამოჩნდა, რომ მოსამართლე ჩაჩიბაიას საქმეზე გადაწყვეტილებას დამოუკიდებლად ვერ იღებს. ირაკლი აფშილავას სახელით საუბრობდა პროკურორი ახალაია. მოსამართლეს ყველა ბერკეტი ჰქონდა მიცემული დაცვის მხარისგან, რომ სასამართლო დამოუკიდებლად წარმართულიყო, მაგრამ მოსამართლემ უარი თქვა მოწმეების მოსმენაზე, ეს უპრეცენდენტო შემთხვევაა, როცა მოსამართლე თვითონ დგამს ნაბიჯებს რომ შეჯიბრობითობის პრინციპი არ იყოს დაცული  და მხოლოდ პროკურორის მხარეს ჰქონდეს მეტი გავლენა სასამართლო პროცესში“,- განაცხადა ალასანიამ.

შეგახსენებთ, რომ ზუგდიდის პოლიციამ "თავისუფალი დემოკრატების" წევრი 27 მარტს პოლიციისთვის წინააღმდეგობის ბრალდებით აიყვანა.

internet.ge