დღეს ათასობით ნორვეგიელი ოსლოს ქუჩებში შეიკრიბება , რათა ერთად იმღერონ სიმღერა „ცისარტყელას შვილები“ - იუწყება „როიტერი“.
ნორვეგიაში ეს ძალიან პოპულარული საბავშვო სიმღერაა, რომელიც ურთიერთგაგებაზე, მშვიდობისკენ სწრაფვასა და ძმობაზეა. ამავდროულად, ეს ის სიმღერაა, რომელზეც ნორვეგიელმა ტერორისტმა ანდრეს ბრეივიკმა განაცხადა, რომ არ უყვარს და მას „მარქსისტული პროპაგანდა“ უწოდა.
ნორვეგიელებმა გადაწყვიტეს უმღერონ ეს სიმღერა 77 ადამიანის მკვლელს, რათა გამოხატონ პროტესტი ბრეივიკის იდეების მიმართ.
აქცია ოსლოს ცენტრში, იმ შენობის სიახლოვეს ჩატარდება, სადაც ტერორისტის სასამართლო პროცესი მიმდინარეობს.
internet.ge
