საქართველოს პრეზიდენტის, მიხეილ სააკაშვილის შეფასებით, საქართველო,
სასოფლო სამეურნეო სფეროში აუცილებლად შეძლებს ინოვაციის შექმნას.
როგორც პრეზიდენტმა, აგრარულ უნივერსიტეტში ყოფნისას განაცხადა,
საქართველოს აღნიშნულ სფეროში ვერცერთი ქვეყანა ვერ უნდა სჯობდეს.
„ისრაელმა ყველაფერი დაიწყო ნულიდან, 70-იან წლებში ისინი თავს
ირჩენდნენ ფორთოხლის წვენის გაყიდვით, ახლა გააქვთ ექსპორტზე სასოფლო სამეურნეო
ტექნოლოგიები. მე არ ვიცი არც ერთი მიზეზი რატომ უნდა გვჯობდეს ჩვენ ისრაელი. ჩვენს
ქვეყანას ბევრად უკეთესი მდებარეობა, ნიადაგი, ტრადიციები აქვს“,- განაცხადა სააკაშვილმა.
საქართველოს პრეზიდენტი დღეს, განახლებულ აგრარულ უნივერსიტეტში
იმყოფებოდა. მიხეილ სააკაშვილი უნივერსიტეტის სტუდენტებსა და
პროფესორ-მასწავლებლებს შეხვდა და მათ სოფლის მეურნეობის განვითარებისთვის
აგრარული განათლების მნიშვნელობაზე ესაუბრება.
ქვეყნის პირველმა პირმა განახლებული უნივერსიტეტი დაათვალიერა და
თანამედროვე სასწავლო ლაბორატორიებითაც დაინტერესდა.
internet.ge
