კონტროლის პალატას სახელმწიფო აუდიტის სამსახური დაერქმევა. კონტროლის პალატის სახელწოდების შეცვლასთან დაკავშირებით, საკონსტიტუციო ცვლილებების განხილვის დროს მოსაზრება წამოიჭრა, რომ უწყებას აუდიტისა და ფინანსური გამჭირვალობის უმაღლესი პალატის ნაცვლად სახელმწიფო აუდიტის სამსახური დარქმეოდა.

როგოც ჟურნალისტებს დეპუტატმა ანდრო ალავიძემ განუცხადა, პარლამენტში წარდგენილი ცვილებებით, უწყებას აუდიტისა და ფინანსური გამჭირვალობის უმაღლესი პალატა უნდა დარქმეოდა, მაგრამ საკითხის განმხილველმა საკონსტიტუციო კომისიამ სურვილი გამოთქვა, რომ კონტროლის პალატას სახელმწიფო აუდიტის სამსახური დაერქვას და მისი სახელწოდება შესაბამისობაში საერთაშორისო ანალოგებთან მოვა.

შეგახსენებთ, რომ კონტროლის პალატის სახელწოდების შეცვლასთან დაკავშირებით საყოველთაო განხილვები ქვეყნის მასშტაბით ერთ თვეა მიმდინარეობს და პარლამენტში საკითხის დამტკიცება უახლოეს მომავალში მოხდება.

Internet.ge