რუსეთის გმირი, 2008 წლის აგვისტოში, საქართველოში რუსეთის აგრესიის აქტიური მონაწილე, საჰაერო-სადესანტო ძალების ვიცე-პოლკოვნიკი - ანატოლი ლებედი, მოსკოვში მოტოციკლით დაიმტვრა და დაიღუპა.

როგორც რუსული საინფორმაციო საშუალებები იუწყებიან, ის მოტოციკლით ბორდიურს შეეჯახა, გზაზე ძლიერად დაენარცხა და ადგილზევე დაიღუპა.

ანატოლი ლებედი 48 წლის ასაკში გარდაიცვალა, 4 წლის წინ კი მან რუსეთის მიერ საქართველოს ტერიტორიების ოკუპაციის ოპერაციაში გაითქვა სახელი, რის გამოც ის წმინდა გიორგის მეოთხზე ხარისხის ორდენით პირადად დიმიტრი მედვედევმა დააჯილდოვა. 

სწორედ ლებედი იყო იმ დესანტის ხელმძღვანელი, რომელიც 2008 წლის 13 აგვისტოს ფოთში გადმოსვეს და რომელმაც გაანადგურა და ფოთის პორტში ჩაძირა სანაპირო დაცვის კატარღები, მათ შორის, კატარღა „დიოსკურია“. 

internet.ge